Россия ва Қозоғистон Ил-103М самолётларини ишлаб чиқарувчи қўшма корхона ташкил этади

Фото: РИА Новости

Ильюшин номидаги авиация мажмуаси ва Қозоғистон авиация заводи Қозоғистон ҳудудида Ил-103 самолётларининг модернизацияланган версиясини ишлаб чиқариш бўйича келишув имзолади. Бу ҳақда бирлашган авиасозлик корпорацияси матбуот хизматига таяниб РИА Новости хабар берди.

"Умумий фойдаланишга мўлжалланган Ил-103 самолётларининг модернизацияланган версиясини ишлаб чиқариш бўйича келишувни имзолаш маросими бўлиб ўтди. Томонлар Қозоғистон ҳудудида самолётлар ишлаб чиқариш, уларни сотиш ва сотувдан кейин хизмат кўрсатиш марказига эга бўлган қўшма корхона ташкил этади", – дейилади хабарда.