Неймар «одобли йигит» бўлиб юргани учун унга пул тўланаётгани рад этилди

«ПСЖ» ҳужумчиси Неймарнинг расмий сайти Football Leaks тарқатган ахборотга раддия эълон қилди. Кеча ушбу суриштирув гуруҳи маълумотига таяниб, қатор нашрлар Париж гранди футболчиларга чиройли хулқ-атвори учун ҳам пул тўлаши ҳақида хабар тарқатганди.

«Ушбу янгилик сон-саноқсиз масъулиятсиз ОАВ орқали қайта-қайта нашр этилмоқда. Бу ҳам навбатдаги ёлғон янгиликлардан бири», - дейилади хабарда.

Эслатиб ўтамиз, кечаги хабарда Неймар ҳафтасига 375 минг евро, Килиан Мбаппе 117 минг евро, Дани Алвес, Эдинсон Кавани ва Анхель Ди Мария – 70 минг евродан, Тиаго Силва – 33 минг евро билан тақдирланаётгани маълум қилинган. Бу маблағлар уларнинг ўйиндан олдин ва кейин мухлисларни олқишлаши, машғулотларга вақтида келиши ва клуб обрўсига путур етказмаслиги учун тўланаётгани айтилган эди.

This news, published by @Record_Portugal is being replicated by countless irresponsable media.
This is another "Fake News".
.#neymar #neymarjr #njr #fakenews pic.twitter.com/A4ZauakR3N

— Neymar Jr. Site (@NeymarJrSite) 9 ноября 2018 г.