Жанубий Кореяга КХДР делегацияси ташриф буюрди

Фото: Yonhap

Шимолий Кореянинг Тинчлик бўйича Осиё-Тинч океани қўмитаси раиси ўринбосари Ри Чжон Хек бошчилигидаги делегация Жанубий Кореяга тинчлик ва фаровонлик масалалари бўйича халқаро форумда иштирок этиш учун етиб келди. Бу форум Сеул яқинида 16 ноябрда бўлиб ўтади.

Yonhap ахборот агентлигининг маълум қилишича, делегация таркибига Шимолий Кореянинг 5 нафар юқори мартабали мансабдор шахси кирган.

“Шимол ва Жануб муносабатларнинг бурилиш онларини бошдан кечираётган бу тарихий даврда Жанубий Корея ерига қадам ташлашдан хурсандман”, деб айтган Хек Инчхон аэропортида.

Форумда Жанубий ва Шимолий Корея расмий шахсларидан ташқари, Япониянинг собиқ бош вазири Юкио Хатояма ҳам чиқиш қилади.