Помпео Минск келишувлари бажарилмагунига қадар Россияга қарши санкциялар кескинлашиб боришини айтди

АҚШ маъмурияти Минск келишувлари тўлиқ бажарилмагунига қадар Россияга нисбатан санкцияларни кескинлаштириб боришда давом этади. Бу ҳақда АҚШ давлат котиби Майкл Помпео Украина ТИВ раҳбари Павел Климкин билан музокаралар якунида маълум қилди.

"Биз Москва Минск келишувларини тўлиқ бажармагунига ва Қрим устидан назоратни Украинага қайтармагунига қадар Россияга босим ўтказамиз", - деди у.

Минск келишувлари Донбассдаги низони тинч йўл билан ҳал этишни кўзда тутади.

Москва Россия Украинадаги низога алоқаси йўқлигини ва инқирозни ҳал этишда воситачи сифатида чиқаётганини билдириб келади.