Сальвадордан АҚШга яна бир муҳожирлар карвони йўл олди

Фото: AP Photo / Marco Ugarte

Сальвадордан АҚШга яна бир муҳожирлар карвони йўл олди. Prensa Grafica порталининг хабар беришича, бу Сальвадордан АҚШ томон йўл олаётган 4-муҳожирлар карвонидир. Унинг таркибига 150 га яқин киши кирган бўлиб, октябрь охиридан АҚШга йўл олаётган жами сальвадорликлар 3 минг нафардан ошмоқда.

Муҳожирлар дастлаб Гватемалага, кейин эса Мексикага етиб олишлари керак бўлади.

Ҳозирда Мексика ҳудуди орқали АҚШ томон Гондурасдан ҳам муҳожирлар йўл олмоқда. Улардан 2 минг нафари АҚШ билан чегарадаги Тихуана шаҳрига етиб бориб бўлишди. АҚШ ҳукумати ноқонуний муҳожирларни қабул қилмаслигини айтган ва чегарадаги хавфсизликни кучайтирган.