Евроиттифоқ 17та мудофаа лойиҳасини ишга туширди
Европа иттифоқи давлатларининг мудофаа вазирлари янги қуроллар яратиш ва разведка, қўмондонлик ҳамда назорат, шунингдек, киберхавфсизлик соҳасида кадрлар тайёрлашга йўналтирилган, хавфсизликка оид 17та янги лойиҳани ишга тушириш ҳақида қарор қабул қилдилар. Бу ҳақда душанба куни ЕИ Кенгаши матбуот хизмати хабар берди.
«Брюсселдаги ЕИ Кенгаши йиғилишида вазирлар хавфсизлик ва мудофаа соҳасида (PESCO) доимий равишда тузилган ЕИ ҳамкорлик дастури доирасида 17та янги лойиҳани маъқулладилар», - дейилади ҳужжатда. Номи тилга олинган лойиҳалар орасида - артиллерияни бошқариш янги тизимларини яратиш, зарба берувчи вертолётларни модернизация қилиш, бошқарувчисиз сув ости аппаратларини яратиш, дронлардан ҳимоя тизимлари бор.
17 лойиҳадан бештаси мудофаа ва хавфсизлик соҳасида европалик мутахассислар, шунингдек, Евроиттифоқ миссиялари учун қўмондонлик таркиби малакасини оширишга қаратилган. Улар орасида «ЕИ ва НАТО давлатларининг ҳарбий ҳамда фуқаролик ходимларини разведка интизомларига ўқитиш ва шуғуллантиришни таъминлайдиган» ЕИ Қўшма разведка мактабини (Joint EU Intelligence School, JEIS) ташкил этиш ҳам бор. Ушбу лойиҳанинг етакчи давлатлари Греция ва Кипр бўлади.
PESCO дастури 2017 йилнинг декабрида ишга туширилган. У НАТОнинг салоҳиятини тўлдириши керак бўлган, Евроиттифоқ ўз ҳарбий имкониятларини ривожлантириш бўйича қатор лойиҳаларни амалга оширишни назарда тутади.
Мавзуга оид
12:50 / 17.09.2024
РФ Тергов қўмитаси Мудофаа вазирлиги мансабдорларига қарши янги иш очди
11:16 / 12.09.2024
Евроиттифоқ Россия газидан бутунлай воз кечишга тайёр
15:53 / 10.09.2024
Евроиттифоқ Қримдаги «сайловлар»нинг ноқонунийлигини таъкидлади
13:46 / 10.09.2024