Автомашинани ҳайдаб қочган шахс ЙТҲ содир этган жойида қўлга олинди

Иллюстратив фото

2018 йил 21 ноябрь куни Тошкент вилояти Чирчиқ шаҳрида яшовчи Д.К. Мирзо Улуғбек туманида жойлашган “Лада авто сервис” МЧЖга қарашли автомашиналарга техник хизмат кўрсатиш шохобчасида қаровсиз қолдирилган М.Д. (аёл)га тегишли “Орландо” автомашинасини ҳайдаб қочган.

Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабарига кўра, у ТТЗ 1-даҳасида турган “Матиз” русумли автомашинаси билан тўқнашув содир этиб, ўзи воқеа жойидан яширинмоқчи бўлган вақтида ИИБ ходимлари томонидан ушланган.

Ҳолат юзасидан жиноят иши қўзғатилиб, тергов ҳаракатлари олиб борилмоқда.

#ЙТҲ #Мирзо Улуғбек