«Бавария» ғалабасиз ўйинлар антирекордини такрорлади

«Бавария» Германия чемпионати 12-турида, ўз майдонида «Фортуна» (3:3) билан дуранг ўйнади. 

Бу мюнхенликларнинг қаторасига тўртинчи ғалабасиз уй ўйинидир.

Gracenote Live хабарига кўра, бу билан «Бавария» ўз майдонидаги ғалабасиз ўйинлар серияси антирекордини такрорлади. Клуб 1966 йил апрель-сентябрь ойларида ва 1994 йил сентябрь-октябрь ойларида қаторасига 4та ўйинни ютолмаган эди.

Айни пайтда «Бавария» 21 очко билан мусобақа жадвалида 5-ўринни эгаллаб турибди. Жамоа пешқадам «Боруссия» Д клубидан 9 очко орқада боряпти.