Ҳиндистонда автоҳалокат оқибатида 30 киши каналда чўкиб кетди

Фото: Times of India

Ҳиндистоннинг Карнатака штатида автобуснинг каналга тушиб кетиши оқибатида камида 30 киши ҳалок бўлди. Бу ҳақда 24 ноябрда NDTV телеканали хабар берди.

Воқеа Бангалор шаҳридан 105 км узоқликда юз берган. Автобус йўл четидаги каналга тушиб кетиб, эшик томони билан сув тубига шўнғиган. Шу сабабли аксарият йўловчилар автобусдан чиқиб кета олишмаган. 4 кишигина омон қолган.

Гувоҳларнинг таъкидлашича, ҳайдовчи бошқарувни қўлдан чиқарган. Ҳалок бўлганлар орасида 5 бола ҳам бўлган.