Гвоздик амалдаги жаҳон чемпионига айланган украиналик тўртинчи профессионал боксчи бўлди

Фото: instagram.com/lomus_17/

Украиналик ярим оғир вазн тоифасидаги боксчи Александр Гвоздик канадалик Адонис Стивенсонни нокаутга учратиб, WBC йўналиши бўйича жаҳон чемпионига айланди.

Монреалда бўлиб ўтган жанг 11-раундда тўхтатилди.

Гвоздик профессионал рингдаги 16-жангида 16-ғалабасини қўлга киритди, улардан 13тасида нокаутга эришган.

Гвоздик бокс бўйича амалдаги жаҳон чемпионига айланган тўртинчи украиналик бўлди. Аввалроқ Артем Далакян (ўта енгил вазнда WBA чемпиони), Василий Ломаченко (енгил вазнда WBA чемпиони) ва Алесандр Усик (биринчи оғир вазнда мутлақ жаҳон чемпиони) чемпионлик унвонларини қўлга киритганди.