Исроил полицияси бош вазир ва унинг турмуш ўртоғига нисбатан коррупция бўйича айблов эълон қилишни тавсия этди

Исроил полицияси мамлакат бош вазири Биньямин Нетаньяху ва унинг турмуш ўртоғи Сарага нисбатан коррупция бўйича айблов эълон қилишни тавсия этди. Бу ҳақда полиция матбуот хизматига таяниб Reuters хабар берди.

Хабарга кўра, Нетаньяхуга нисбатан айблов янгиликлар сайти ва телекоммуникация компанияси бўйича тергов доирасида эълон қилиниши мумкин.

Шу йилнинг октябрида Қуддус суди Исроил бош вазирининг турмуш ўртоғи Сарага нисбатан товламачилик бўйича ишни кўриб чиқишни бошлаганди.