Трамп Хитой бўйича янгиликни маълум қилди

АҚШ президенти Дональд Трампнинг твиттерда маълум қилишича, Хитой Америка автомобилларини мамлакатга олиб киришга божларни камайтириш ва бекор қилишга рози бўлган.

Унинг сўзларига кўра, бугунги кунда божлар ҳажми 40 фоизни ташкил этмоқда.

Шунингдек, унинг қўшимча қилишича, гап Қўшма Штатларда ишлаб чиқарилган автомобиллар импортига тарифлар ҳақида кетмоқда.

Эслатиб ўтамиз, аввалроқ Трамп Хитой иқтисодиётининг ўсиш суръатлари пасайгани ҳақида маълум қилганди.

Унинг сўзларига кўра, Хитой Халқ Республикаси АҚШнинг божлари туфайли «жуда қийин ҳолатда қолган». Шунингдек, қўшимча қилишича, Пекинга қарши божларни янада кучайтиришни хоҳламаяпти. Трампнинг қайд этишича, ҳозирги вақтда АҚШ иқтисодиёти Хитойга қараганда «анча каттароққа айланди».