Испания бош вазири Педро Санчес конституция қабул қилинганининг 40 йиллиги муносабати билан унга ўзгартиришлар киритилиши мумкинлигини айтди.
Санчес TVE давлат телевидениесига интервьюда ислоҳотлар қирол дахлсизлиги, яъни конституциянинг 56-моддаси (“Қирол шахси дахлсиздир ва жавобгарликка тортилмайди”) бекор қилинишини ўз ичига олиши кераклигини айтган.
Бош вазирнинг айтишича, қиролнинг ўзи ҳам бу модда бекор қилинишини қўллаб-қувватламоқда.
Санчеснинг таъкидлашича, ҳозир конституцияга фақатгина муайян ўзгаришлар киритилиши мумкин, унинг чуқурроқ ислоҳ қилинишининг ҳозирча имкони йўқ ва келгуси авлодлар зиммасига қолади.
Айни вақтда ўзгаришлар соғлиқни сақлаш, жинслар тенглиги, атроф-муҳит, эвтаназиянинг қонунийлаштирилиши масалаларига тааллуқли бўлиши мумкин.