АПЛ. «Манчестер Сити»нинг мағлубиятсиз серияси 20та ўйиндан ошди

Сешанба ва чоршанба кунлари Англия Премьер-лигасида 15-тур ўйинлари бўлиб ўтмоқда. 5 декабрга ўтар кечаси турнинг тўртта учрашуви ўтказилди.

Лига яккапешқадами «Манчестер Сити» навбатдаги ғалабасини қўлга киритди. «Шаҳарликлар» «Уотфорд» майдонидан 2:1 ҳисобидаги ғалаба билан ортга қайтди. Натижада клубнинг АПЛдаги мағлубиятсиз серияси 21 ўйинга етди. Манкунианликлар сўнгги марта 7 апрелда ўз майдонида кечган Манчестер дербисида «МЮ»да ютқазишганди (2:3).

4 декабрь санасида, шунингдек, «Борнмут» кетма-кет тўртта мағлубиятдан кейин «Ҳаддерсфилд»ни таслим этди – 2:1. Жадвалнинг иккинчи ярми иштирокчилари - «Брайтон»-«Кристал Пэлас» ва «Вест Ҳэм» - «Кардифф» ўйинларида 3:1 ҳисоби қайд этилди.

Бугун тунда турнинг қолган 6та ўйини бўлиб ўтади. Марказий баҳс «Олд Траффорд»да «МЮ» ва «Арсенал» ўртасида кечади, учрашув Тошкент вақти билан соат 01:00да бошланади.

Англия чемпионати
15-тур, 4 декабрь
Вест Ҳэм – Кардифф 3:1 (0:0, 3:1)
Голлар: 1:0 – 49 Перес, 2:0 – 54 Перес, 3:0 – 61 Антонио, 3:1 – 90 Мерфи.
 
Брайтон – Кристал Пэлас 3:1 (3:0, 0:1)
Голлар: 1:0 – 24, пенальти Мюррей, 2:0 – 31 Балогун, 3:0 – 45 Андоне, 3:1 – 81, пенальти Миливоевич.
Четлатиш: Даффи (28, Брайтон).

Борнмут – Ҳаддерсфилд 2:1 (2:1, 0:0)
Голлар: 1:0 – 5 Уилсон, 2:0 – 22 Фрэйзер, 2:1 – 38 Конголо.

Уотфорд – Манчестер Сити 1:2 (0:1, 1:1)
Голлар: 0:1 – 40 Сане, 0:2 – 51 Маҳрез, 1:2 – 85 Дукуре.
Уотфорд – Фостер, Фемения, Кабаселе, Кэткарт, Холебас, Чалоба (Деулофеу, 63), Саксесс (Грэй, 75), Хьюз (Кина, 52), Дукуре, Перейра, Дини.
Манчестер Сити – Эдерсон, Уокер, Стоунз, Компани (Отаменди, 83), Делф, Бернарду Силва, Фернандиньо, Сильва (Гюндоган, 73), Маҳрез, Габриэл Жезус (Лапорт, 89), Сане.
Огоҳлантириш: Эдерсон (90).

5 декабрь (бугун тунда)
00:45. Вулверхэмптон – Челси
00:45. Фулҳэм – Лестер
00:45. Бернли – Ливерпуль
00:45. Эвертон – Ньюкасл
01:00. Тоттенҳэм – Саутгемптон
01:00. Манчестер Юнайтед – Арсенал