Фото: US Marine Corps/Cpl. Aaron Henson
АҚШнинг F/A-18 қирувчи ва КС-130 ёнилғи қуювчи транспорт самолётлари 6 декабрга ўтар кечаси Япония соҳиллари яқинида тўқнашиб кетди. Бу ҳақда АҚШ денгиз пиёда қўшинлари корпуси маълум қилди.
Воқеа маҳаллий вақт билан соат 2.00да содир бўлган. Иккала самолёт ҳам Ивакуни базасидан ҳавога кўтарилиб, ўқув машғулоти ўтказаётган бўлган.
CBS телеканали мухбирининг твиттерда маълум қилишича, KC-130 бортида 5 киши, F/A-18’да 2 учувчи бўлган.
Самолётларнинг қулаш жойига Япония денгиздаги хавфсизлик хизматининг 6 та кемаси ва битта патруль самолёти йўл олган.
Таъкидланишича, бир ҳарбий япон қутқарувчилари томонидан қутқариб олинган. Қидирув-қутқарув операцияси давом этмоқда.
