Мессидан футболка олган афғонистонлик болакай кўчада қолди

Фото: Unicef Afghanistan

2016 йилда афғонистонлик болакай Муртоз Аҳмадийнинг целлофан пакетдан Мессининг футболкасини ясаб, тўп ўйнаб юргани тасвирланган фотосуратлар дунё матбуотида тарқалган эди.

Шундан сўнг, аргентиналик футболчи Муртозни излаб топиб, у билан учрашди ва футболкасини совға қилди.

EFE хабарига кўра, айни пайтда болакай уйсиз қолган. Муртоз яшайдиган қишлоқда ҳарбий ҳаракатлар ўтказилганидан сўнг, унинг уйи батамом бузилган.

Шундан сўнг, у оиласи билан қочқинлар учун мўлжалланган бошпанага кўчиб ўтган.