Мексика миграция муаммоларини ҳал қилиш учун 30 млрд доллар сарфлайди

Фото: REUTERS

Мексика федерал ҳукуматининг миграция масаласини ҳал қилиш учун мамлакат жанубий ҳудудларини ривожлантиришга доир харажатлари беш йил мобайнида 30 миллиард долларни ташкил этади. Бу ҳақда Мексика ташқи ишлар вазири Марсело Эбрард сешанба куни маълум қилди.

«Бизнинг фикрча, бу инвестициялар, саъй-ҳаракатлар яқин беш йил ичида 30 миллиард доллардан ошади, бу мамлакат жанубида шундай даврда амалга оширилган энг муҳим сармояга айланади», - дея Эбрарднинг Марокаш шаҳрида берган баёнотини келтиради Excelsior портали.

Унинг сўзларига кўра, бундай саъй-ҳаракатлар дунёга миграция муаммосини тартибли, хавфсиз ва мунтазам равишда ҳал қилиш мумкинлигини кўрсатиб бериши лозим. Шунингдек, Эбрарднинг таъкидлашича, Мексика ҳукумати Гондурас, Гватемала ҳамда Сальвадор ҳукуматлари билан биргаликда минтақани ривожлантириш режасини ишлаб чиқиш учун ҳаракат қилади.

Эслатиб ўтамиз, аввалроқ мексикадаги мигрантлар АҚШда бошпана олиш учун очлик эълон қилишни режалаштираётгани хабар берилганди.