Трамп АҚШ ички ишлар вазири тез кунларда истеъфога чиқишини эълон қилди

"Ички ишлар вазири Райан Зинке қарийб икки йиллик хизматдан сўнг йил охирида маъмуриятни тарк этади. Райан фаолияти давомида кўп нарсага эришди ва мен унга ватанимизга қилган хизмати учун миннатдорлик билдираман", деб ёзди Трамп.

Унинг ёзишича, янги вазир номзоди келаси ҳафтада эълон қилинади. Трамп Зинкенинг истеъфоси сабабини айтмади.

АҚШ ички ишлар вазирлиги бошқа давлатлардаги каби полиция ва хавфсизлик масалалари билан эмас, балки табиат муҳофазаси ва ердан фойдаланиш масалалари билан шуғулланади.