Фото: AFP 2018 / Frederick Florin
Хитойнинг Сичуан вилоятида 5,7 балли зилзила юз берди. Бу ҳақда Хитой сейсмология маркази хабар бермоқда.
Хабарда айтилишича, ерости силкинишлари маҳаллий вақт билан 12.46да (Тошкент вақти билан 9.46) Ибин округининг Синвэнь уездида қайд этилган. Зилзила ўчоғи 12 километр чуқурликда эканлиги хабар қилинган.
Ҳозирча жабрланганлар ва вайронагарчиликлар тўғрисида маълумот келиб тушмаган.
