Спорт ТВ Осиё Кубогини тўлиқ намойиш қилади

Спорт ТВ телеканали Осиё Кубоги – 2019 мусобақасини Ўзбекистон ҳудудида намойиш қилиш ҳуқуқини сотиб олди.

5 январь – 2 февраль кунлари Бирлашган Араб Амирликларида ўтказиладиган турнирнинг барча 51та ўйини ўзбекистонлик мухлисларга тақдим қилинади.

Барча ўйинлар жонли эфирда намойиш қилинади.

Эслатиб ўтамиз, Осиё Кубогида тарихда илк маротаба 24та жамоа иштирок этади. Ўзбекистон терма жамоаси Япония, Уммон ва Туркманистон билан бир гуруҳдан жой олган.