Эронлик дипломатлар теракт содир этмоқчи бўлгани учун Албаниядан чиқариб юборилди – ОАВ

Албаниядан 2016 йилда футбол бўйича Исроил терма жамоасига қарши теракт тайёрлашдаги иштироки учун 2 эронлик дипломат чиқариб юборилди. Бу ҳақда Top Channel албан телеканали ўз манбаларига иқтибос келтирган ҳолда маълум қилди.

Албания ташқи ишлар вазирлиги баёнотида дипломатлар Албания хавфсизлигига таҳдид  туғдиришда гумон қилинганлари, уларни чиқариб юбориш қарорига эса “иттифоқдош давлатлар билан маслаҳатлашувлар” таъсир қилгани айтилган.  
 
Телеканалнинг маълум қилишича, эронликлар 2016 йилда Албаниянинг Шкодер шаҳрида исроилликларга қарши терактга тайёргарлик кўришда гумон қилинмоқдалар. Бу шаҳарда 2018 йилги жаҳон чемпионатининг Албания ва Исроил терма жамоалари ўртасидаги саралаш учрашуви бўлиб ўтган.  

Аввалроқ АҚШ президентининг миллий хавфсизлик бўйича маслаҳатчиси Жон Болтон Албания Эрон элчисини чиқариб юбораётганини маълум қилган. Бироқ Албаниянинг расмий манбалари ҳозирча чиқариб юборилганларнинг на номларини, на лавозимларини эълон қилган.