Тошкент вилоятидаги корхонада ёнғин, бир ишчи ҳалок бўлди

Тошкент вилоятининг Қуйи Чирчиқ туманида 2018 йил 19 декабрь куни Тошкент шаҳар Сергели туманида яшаган Н.Т. маст ҳолда иш жойида сигарета чекиб ухлаб қолиши оқибатида сигарет кукуни каравот устига тушиши натижасида ёнғин содир бўлган.

Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабарига кўра, ёнғин корхона ишчилари томонидан ўчирилган.

Ёнғин оқибатида қоровулхонанинг 4 кв.м. майдонда жиҳозлар ёниб зарар кўрган ҳамда Н.Т. куйиш жароҳатлари билан касалхонага ётқизилиб, кўрсатилган тиббий муолажаларга қарамай вафот этган.