Тошкентда автомобилларни ювиш шохобчаси ишчиси ювиш учун қолдирилган машинани олиб қочди

Тошкент шаҳрининг Мирзо Улуғбек туманида 19 декабрь куни Тузель 1-даҳада яшовчи, Паркент кўчасида жойлашган автомашиналарни ювиш шохобчаси ишчиси А.Э. шу шохобчага ювиш учун қолдирилган А.К.га тегишли “Спарк” русумли автомашинасини ҳайдаб қочган.

Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабарига кўра, кўрилган чоралар натижасида А.Э. автомашинани Яшнобод туманида жойлашган “Чўлпон” ЙПХ масканидан ҳайдаб ўтиб кетаётганида, шу ерда хизмат олиб бораётган йўл-ҳаракати хавфсизлиги ходимлари томонидан қўлга олинган.

Ҳолат юзасидан жиноят иши қўзғатилиб, тергов ҳаракатлари олиб борилмоқда.