Хорижликлар Россиядан рекорд миқдордаги маблағларни олиб чиқиб кетишди

Фото: Олег Харсеев / Коммерсантъ

2018 йил давомида хорижлик инвесторлар Россия фондларидан бир миллиард доллар олиб чиқиб кетишган. Бу ҳақда Bank of America Merrill Lynch маълумотларига таяниб «Коммерсантъ» хабар қилмоқда.

Кейинги уч ҳафта ичида 330 миллион доллар маблағ олиб чиқиб кетилган.

Январда Россия фондларига 0,5 миллиард доллардан ортиқроқ маблағ қўйилган. Баҳорда 700 миллион доллар олиб чиқиб кетилган. Кузга келиб маблағлар олиб чиқиб кетилиши яна бошланган ва давом этмоқда.

Хорижликларнинг маблағларни олиб чиқиб кетишларига санкциялар билан боғлиқ мураккаб геосиёсий вазият ҳамда нефть нархининг тушиб кетиши сабаб қилиб кўрсатилмоқда.