Россия Украинага нисбатан санкцияларни кенгайтирди

Фото: ТАСС

Россия бош вазири Дмитрий Медведев махсус чеклов чоралари жорий этилган украиналик жисмоний ва юридик шахслар рўйхатини кенгайтирди, деб хабар берди РИА Новости.

"Мен тегишли қарорни имзоладим. Бу Россия давлати, компаниялари ва фуқаролари манфаатларини ҳимоя қилиш учун қилинди", деб ёзди Медведев Twitter саҳифасида.

Ҳукуматдагиларнинг қайд этишича, кенгайтирилган рўйхат икки юздан ортиқ шахс ва компанияларга алоқадор.

Шу йилнинг биринчи ноябрида Россия Украина санкцияларига жавобан 322 нафар жисмоний ва 68 юридик шахсга нисбатан санкцияларни кенгайтирганди.