АҚШ Ироқда иккита ҳарбий база қурмоқчи эканлиги хабар қилинди

АҚШ Ироқ ғарбида, Сурия билан чегарадан тахминан юз километр масофада иккита янги ҳарбий база қуришга қарор қилди. Бу ҳақда Anadolu агентлиги хабар берди.

Ироқдаги Ал-Анбара вилояти маҳаллий кенгаши аъзоси Фархон Дулеймининг сўзларига кўра, биринчи база Қаим туманида, иккинчи база Ру базасида қурилади. У бу туманлар стратегик муҳим ҳисобланишини ва америкалик ҳарбийлар чегарадаги хавфсизликни таъминлашда Ироқ ҳарбийларига ёрдам беришини айтган.

АҚШ президенти Дональд Трамп ўтган ҳафтада Сурияда ИШИД устидан ғалаба қозонилганини маълум қилганди. Кейинроқ эса Суриядан АҚШ қўшинлари олиб чиқиб кетилиши маълум қилинди.