Ҳиндистонда мамлакатдаги энг катта кўприк очилди. Унга қирувчи самолётлар қўна олиши мумкин
Ҳиндистонда мамлакатдаги энг узун темир йўл ва автомобиль кўприги очилди. Бу ҳақда Times of India нашри хабар берди.
Брахмапутра дарёси орқали ўтувчи ва узунлиги 4,94 км бўлган кўприк Богибил деб номланди. У мамлакатнинг собиқ бош вазири, жорий августда ҳаётдан кўз юмган Атал Бихари Важпайнинг туғилган кунида очилди. Ушбу кўприкни қуриш ишлари 2002 йилда айнан у раҳбарлик қилган вақтда бошланган.
Ҳиндистон бош вазири Нарендра Моди Ассам штатида жойлашган ушбу объектнинг тантанали очилишида иштирок этди.
Маҳаллий ОАВнинг таъкидлашича, объектни қуриш бўйича қарор Ҳиндистоннинг Хитой билан чегарадаги мудофаа қобилиятини оширишга қаратилган саъй-ҳаракатлар доирасида қабул қилинган. Кўприк Ҳиндистонга ўз ҳарбийларини дарёнинг нариги қирғоғига тезроқ ташлашга имкон беради.
Бундан ташқари, кўприк шундай лойиҳаланганки, унга зарурат ҳолатида қирувчи самолётлар қўна олиши мумкин.
Мавзуга оид
22:24 / 19.09.2024
Samsung’нинг Ҳиндистондаги заводи ходимлари иш ташлаш эълон қилди
01:33 / 14.09.2024
Россия Модининг талабидан кейин 45 нафар Ҳиндистон фуқаросини армия сафидан бўшатди
15:43 / 12.09.2024
Ҳиндистонда сохта «шифокор» YouTube’даги видеоларга қараб ўсмирни операция қилди. Бола вафот этди
12:46 / 10.09.2024