Саудия Арабистони қироли Салмон бин Абдулазиз Ол Сауд коинот бўйича миллий бошқарма ташкил этилиши ҳақидаги фармонни имзолади. Коинот агентлигига қиролнинг ўғли, туризм бошқармасига раҳбарлик қилган шаҳзода Султон бин Салмон раҳбарлик қилади.
“Коинот бўйича бошқарма ташкил этилсин, унга шаҳзода Султон бин Салмон раҳбар этиб тайинлансин,”, деб айтилган қирол фармонида.
Аввалроқ қирол бошқа бир фармони билан ҳукуматда бир қатор ўзгаришлар амалга оширди.