Хорижликлар қандай жойлашув воситаларини маъқул кўришмоқда? 2018 йил статистикаси
2018 йилда Ўзбекистон бўйлаб саёҳат даврида хорижлик фуқароларнинг аксарияти (43,6 фоиз) оила ва дўстлар билан бирга яшашни маъқул кўрган. Шунингдек, 2, 3 ҳамда 4, 5 юлдузли меҳмонхоналарга ҳам талаб катта (18,0 ва 17,3 фоиз) бўлган. Оила, хостеллар, санаторийлар, дам олиш зоналари ва уйлари, ижара уйларида жойлашиш кўрсаткичлари ҳам шунга яқин (15 фоиз). "Туризмнинг оқ китоби 2018"да шундай статистик маълумотлар тақдим этилган.
Оила ва дўстлар даврасида яшашни танлаган хориж фуқароларининг 85,1 фоизини Марказий Осиё мамлакатларидан ташриф буюрганлар ташкил қилади. Мазкур натижалар Ўзбекистонга келган меҳмонларнинг 82 фоиздан ортиғини бу ерга ташрифдан мақсадни дўстлари ва қариндошлариникига ташриф буюриш сифатида белгилаган кишлар ташкил қилиши билан ҳам боғлиқ, зеро бу респондентлар Марказий Осиё давлатлари фуқаролари бўлган.
Европа ва Осиё-Тинч океани минтақаси (ОТОМ)дан ташриф буюрган сайёҳларнинг асосий қисми эса жойлашув воситаси сифатида 2, 3 ва 4, 5 юлдузли меҳмонхоналарни афзал кўрган. Европаликларнинг 34 ва 37 фоизи ўз навбатида 2, 3 ва 4,5 юлдузли меҳмонхоналарни маъқул кўрган. ОТОМдан келган сайёҳларнинг 40 ва 43 фоизи 2,3 ҳамда 4, 5 юлдузли меҳмонхоналарни жойлашув воситаси сифатида танлаган.
Яқин Шарқ ва Шимолий Америкадан ташриф буюрган туристларда ҳам шунга ўхшаш ҳолат - мазкур минтақалардан келган сайёҳларнинг 79,6 ва 75 фоизи 2,3 ҳамда 4, 5 юлдузли меҳмонхоналарга жойлашган.
Мавзуга оид
20:50 / 17.09.2024
Россиялик блогер Ўзбекистон поездидаги саёҳатни «ҳақиқий синов» деб таърифлади
10:08 / 02.09.2024
7 ойда Ўзбекистонга 4 млндан ортиқ турист келди
12:30 / 01.09.2024
Ўзбекистонга тижорат мақсадида келганлар сони 51,4 минг нафарга ошган – Статистика агентлиги
22:16 / 30.08.2024