Bristol-Myers Squibb фармацевтик компанияси 74 миллиард долларлик харидни амалга оширишга яқин турибди

Фото: Reuters

АҚШнинг Bristol-Myers Squibb фармацевтик компанияси саратонга қарши дори воситасини ишлаб чиқиш билан шуғулланувчи Celgene биотехнологик компаниясини 74 млрд долларга сотиб олмоқчи. Бу ҳақда CNBC телеканали хабар берди.

Таъкидланишича, Celgene акциядорлари харид учун Bristol-Myers Squibb’нинг биттадан акцияси ва ҳар бир акция учун 50 доллардан нақд пул олишади. Шу тариқа Celgene акциялари 102,43 долларга баҳоланган.

Компаниялар директорлар кенгаши битимни маъқуллашган. Агар у амалга оширилса, унда ҳосил бўлган компания дунёнинг энг йирик фармацевтик компанияларидан бирига айланади.