Болаликдан ногиронлиги бўлган фарзандларнинг оналари янада қўллаб-қувватланади 

Болаликдан ногиронлиги бўлган фарзандларнинг оналари янада қўллаб-қувватланади. Бу ҳақда 2017–2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини “Фаол инвестициялар ва ижтимоий ривожланиш йили”да амалга оширишга оид Давлат дастури лойиҳасида айтилган.

Ҳужжат билан тегишли норматив-ҳуқуқий ҳужжат лойиҳаси ишлаб чиқилади.

Лойиҳада болаликдан ногиронлиги бўлган фарзандларнинг оналарига улар пенсия тайинлаш учун зарур иш стажига эга бўлмаган тақдирда, ижтимоий нафақа тайинлаш назарда тутилади.

Бажариш муддати - 2019 йил 20 февраль, ижро учун масъуллар - Молия вазирлиги, Соғлиқни сақлаш вазирлиги, Меҳнат вазирлиги.

Эслатиб ўтамиз, президент парламентга мурожаатномасида ногиронлиги бўлган фарзандни парвариш қилаётган оналар учун алоҳида нафақа тури жорий этилиши ҳақида айтганди.