Америкалик велопойгачи Карл Грув ижобий допинг-синов сабабли жаҳон рекордидан маҳрум этилди. Спортчининг синовида эпитренболон анаболик стероиди топилган, деб хабар берди The Telegraph нашри.
Грув яқинда 90 ёшга кирган. У АҚШ чемпионатида “90-94” тоифасидаги спринтда жаҳон рекордини ўрнатганди. Кекса спортчининг ўзи эса тақиқланган воситани атайлаб қабул қилмаганини айтмоқда. Унинг таъкидлашича, стероид унинг организмига пойга арафасида еган гўшт орқали тушган.
Тергов давомида Грув қонида яна бир тақиқланган восита – кломифен излари борлиги аниқланган.
