Николас Мадуро Венесуэла президенти лавозимини бажаришга киришди 

Венесуэла президенти Николас Мадуро 10 январда мамлакатнинг 2019-2025 йиллар учун президенти сифатида қасамёд келтирди.   

Мадуронинг инаугурацияси мамлакат олий суди биносида ўтган, ваҳоланки конституцияга кўра президент миллий ассамблея (парламент) олдида қасамёд келтириши керак. Мухолифат томонидан назорат қилинувчи парламент Венесуэла сиёсий ҳаётида иштирок этишдан четлатилган, шу сабабли маросим олий судга кўчирилган. 

Мадуронинг инаугурациясида Куба етакчиси Мигель Диас-Канель, Боливия ва Салвадор президентлари Эво Моралес ва Санчес Серен, Никарагуа президенти Даниэль Ортега, Туркия вице-президенти Фуат Октай, Хитой қишлоқ хўжалиги ва вазири Хань Чанфу, ОПЕК бош котиби Муҳаммад Баркиндо, Абхазия ва Жанубий Осетия президентлари Рауль Хажимба ва Анатолий Бибилов иштирок этган. 

Мадуронинг янги президентлик муддатини кўплаб давлатлар, жумладан АҚШ ва “Лима гуруҳига кирувчи давлатлар тан олишдан бош тортган.