Осиё Кубогида иштирок этаётган Ўзбекистон терма жамоаси бугун, 13 январь куни гуруҳ босқичининг 2-туридаги Туркманистонга қарши баҳс олдидан расмий машғулотни ўтказди.
Машғулотлар якшанба кунги баҳс бўлиб ўтадиган «Rashid Stadium»да ўтказилди. Жараённинг дастлабки 15 дақиқаси ОАВ учун очиқ эканидан фойдаланган Kun.uz фотомухбири у ердаги муҳит ва кайфиятни суратлар воситасида етказишга ҳаракат қилди.
Эслатиб ўтамиз, эртага, 13 январь куни Осиё Кубогида иккинчи турга якун ясалади. Баҳсларнинг сўнггиси «F» гуруҳи вакиллари – Ўзбекистон ва Туркманистон терма жамоалари ўртасида Дубай шаҳрида бўлиб ўтади. Учрашув Тошкент вақти билан соат 21:00да бошланиши белгиланган.