Фото: AP Photo/Evan Vucci
АҚШ президенти Дональд Трамп ва Шимолий Корея етакчиси Ким Чен Иннинг янги учрашуви Вьетнамда февралда бўлиб ўтиши мумкин. Бундай таклифни Трамп билдирган, деб хабар берди Yomiuri нашри.
Маълум қилинишича, Шимолий Корея ушбу таклифни кўриб чиқмоқда, бироқ ҳали унга жавоб бермаган.
Вьетнам раҳбарияти ҳам ушбу учрашувни ўтказишга қизиқиш билдирмоқда. Шу муносабат билан Ханойда АҚШ ва Шимолий Корея вакилларининг учрашуви бўлиб ўтиб, унда икки етакчининг бўлғуси учрашуви деталлари муҳокама қилинган.
Трамп ва Ким Чен Иннинг тарихий илк учрашуви 2018 йил июнда Сингапурда бўлиб ўтганди. Учрашув якунларига кўра, Корея яриморолини ядровийсизлаш бўйича биргаликда ишлаш ҳақида декларация имзоланган.
