Spiegel: Германия армиясида Эрон учун ишлаган жосус бўлганлиги гумон қилинмоқда

Германия ҳуқуқни муҳофаза қилиш идоралари бундесверда хизмат қилган 50 ёшли шахсни Эрон махсус хизматларига ёлланганликда гумон қилиб ҳибсга олди. Бу ҳақда Spiegel журнали хабар берди.

Нашрнинг хабар беришича, келиб чиқиши афғонистонлик бўлган гумонланувчи Абдул Ҳамид С.  ГФРнинг Афғонистондаги операцияда иштирокига оид махфий маълумотлар билан танишиш имкониятига эга бўлган. У бундесвер қўмондонлигида лингвистика хизмати билан шуғулланган ҳамда ўлкашунослик бўйича ахборотлар бериб турган. 

Унинг қанча вақт давомида Эрон фойдасига жосуслик қилгани ва бошқа тафсилотлар ошкор қилинмаяпти.

Журнал гумонланувчига нисбатан айблов эълон қилингани борасида ҳам маълумот бермаган.