Кластерлар фаолиятидаги тизимли муаммолар маълум бўлди
Норматив-ҳуқуқий ҳужжатлар лойиҳалари муҳокамаси порталида Вазирлар Маҳкамасининг “Қишлоқ хўжалиги кластерлари ҳамда пахта-тўқимачилик ишлаб чиқариш ташкилотлари фаолиятини янада ривожлантириш чора-тадбирлари тўғрисида”ги қарори лойиҳаси жойлаштирилди.
Қайд этилишича, ўрганишлар пахта, ғалла, мева-сабзавот ва бошқа йўналишлардаги кластерлар фаолиятини самарали йўлга қўйишда ўз ечимини кутаётган тизимли муаммолар ва тўлиқ фойдаланилмаган имкониятлар мавжудлигини кўрсатган, хусусан:
биринчидан, кластерлар фаолиятини тартибга солиш бўйича ягона норматив-ҳуқуқий ҳужжат қабул қилинмаган ҳамда уларнинг муаммоларини тезкор ҳал этишга амалий ёрдам кўрсатувчи ягона тизим мавжуд эмас;
иккинчидан, маҳаллий ҳокимликлар томонидан кластерлар учун ер майдонларини ўз вақтида ажратилишида муаммолар мавжуд;
учинчидан, кластерларнинг айланма маблағлари етишмаслиги сабабли улар томонидан қўшимча минерал ўғитлар ва кимёвий воситаларни импорт қилишда қийинчиликлар юзага келмоқда;
тўртинчидан, банклар томонидан кластерларга кредит маблағлари ажратилиши учун бўлғуси ҳосилни гаровга қўйиш амалиёти йўлга қўйилмаган;
бешинчидан, ғўзани вегетация даврида суғориш ишлари ўз вақтида амалга оширилишига сув ва электр энергияси таъминотидаги узилишлар салбий таъсир кўрсатмоқда;
олтинчидан, кластерлар томонидан ишлаб чиқарилаётган техник чигитни Ўзбекистон республика товар-хомашё биржа савдолари орқали сотишда чекловлар мавжуд.
Мавзуга оид
18:17
Пахта нархи: Фермерлар ва кластерлар ўртасидаги шартномалар фермерларнинг зарарига ўзгартирилмоқда
12:49 / 05.09.2024
Қашқадарёда пахта тўқимачилик кластерлари 3 млрд сўмдан ортиқ асоссиз даромад олган
14:04 / 12.07.2024
Пахта тўқимачилик ва ёғ-мой кластерлари томонидан 20 млрд сўм асоссиз даромад олинган – Рақобат қўмитаси
12:40 / 23.05.2024