Саудия валиаҳд шаҳзодаси 425 млрд долларлик ислоҳотни амалга оширишни режалаштирмоқда  

Саудия Арабистони валиаҳд шаҳзодаси Муҳаммад бин Салмон инфратузилма, энергетика, фойдали қазилмалар олиш ва саноатнинг бошқа соҳаларини ривожлантиришга 425 млрд доллар инвестиция қилишни режалаштирмоқда.  

Шаҳзода Vision 2030 ислоҳотларининг бош раҳнамоси ҳисобланади. У бу ислоҳотлар эвазига 200 млрд риаллик 70 га яқин битим тузмоқчи. Бу режанинг тафсилотлари 28 январда эълон қилиниши кутилмоқда. Сармоялар 2030 йилгача жалб қилиниши керак.

Саудия Арабистони янги режа доирасида кимё, энергетика ва газ саноатига ўз эътиборини қаратади. Бу ҳақда мамлакат энергетика вазири Холид ал-Фолиҳга иқтибос келтирган ҳолда Bloomberg ахборот агентлиги хабар берди.