Суриядан АҚШ қўшинлари олиб чиқиб кетилишини америкаликларнинг 39%и қўллаб-қувватламоқда

АҚШ президенти Дональд Трампнинг Суриядан қўшинларни олиб чиқиб кетиш ҳақидаги қарорини америкаликларнинг 39%и қўллаб-қувватламоқда, 35%и қарши чиқмоқда. Бу Associated Press агентлиги буюртмасига кўра Чикаго университетидаги жамоатчилик фикрини ўрганиш миллий маркази ўтказган сўровда маълум бўлди.

Сўровдан маълум бўлишича, Суриядан Америка қўшинлари олиб чиқиб кетилиши ҳақидаги қарорни асосан республикачилар партияси тарафдорлари қўллаб-қувватлайди.

Сўров 16 январдан 20 январгача 1062 нафар америкалик ўртасида ўтказилган.  

Трамп 19 декабрь куни Суриядан АҚШ қўшинлари олиб чиқиб кетилиши ҳақида эълон қилганди. Америка расмийларининг сўзларига кўра, 2 мингдан ортиқ ҳарбийни олиб чиқиб кетишга 60дан 100 кунгача вақт кетади.