Жаҳон марказий банклари 2018 йилда рекорд миқдорда олтин сотиб олди

2018 йилда давлатлар марказий банклари 1971 йилдан бери рекорд миқдорда – умумий қиймати 27 млрд долларлик 651,5 тонна олтин сотиб олди. Бу эса 2017 йилги кўрсаткичларга нисбатан 74 фоизга кўпроқни ташкил қилади. Бу ҳақда World Gold Council маълум қилди.  

Олтин сотиб олиниши ҳажми ошиши бу қимматбаҳо металлнинг Россия, Туркия ва Қозоғистон томонидан фаол сотиб олиниши билан боғланган. Бу эса олтиннинг 2018 йил 1-ярмида 10 фоизга қимматлашишига олиб келган.

Заргарлик буюмларига йил бўйича талаб деярли ўзгармаган, у 2017 йилга нисбатан бор-йўғи 1 тоннага ошган.  

Олтин тангаларга талаб 5 йиллик максимумни (236,4 тонна) ташкил қилган, олтин ёмбиларга эса одатий диапазонда қолган (781,6 тонна).