Ярим йиллик танаффусдан сўнг Ўзбекистон олтин экспортини қайта тиклади

Ярим йиллик танаффусдан сўнг Ўзбекистон олтин экспортини қайта тиклади. Бу ҳақда Миллий статистика қўмитаси маълумотларидан ойдинлашмоқда.

Маълум бўлишича, йилнинг дастлабки тўрт ойида Ўзбекистон 1,5 миллиард долларлик номонетар олтин экспорт қилган. Асосий қисми апрель ойида сотилган.

Йилига 130 тоннага яқин олтин қазиб оладиган Ўзбекистон 2025 йил сентябрь ойидан кейин экспортни амалда тўхтатган, Марказий Банк эса қимматбаҳо металлнинг дунёдаги энг йирик харидорларидан бирига айланган эди.

Олтин Ўзбекистон иқтисодиёти учун асосий буфер ҳамда экспорт ва бюджет тушумларининг муҳим манбаи бўлиб қолмоқда.

Ўзбекистондан олтин экспортини тўхтатишнинг асосий сабаблари сифатида олтиннинг рекорд даражадаги юқори нархи, олтин-валюта захираларини тўплаш ва захираларни стратегик бошқариш кўрсатилган.

Тўхтатиб туриш фойдали стратегия эди - Ўзбекистон ундан зарар кўрмади. Экспорт қайта тикланганидан сўнг, 1,5 миллиард доллар даромад олди.