Неймар «Барселона»га қайтиши мумкинлиги ҳақидаги саволга жавоб берди

«ПСЖ» ҳужумчиси Неймар жароҳатини даволаш учун Барселонага борди.

26 ёшли бразилияликни аэропортда журналистлар кутиб олишди ва Каталония клубига қайтиш нияти бор ёки йўқлиги билан қизиқиб кўришди.

Хусусан, мухбирлардан бири ундан: «Барселона»га қайтиш учун ҳар куни қўнғироқ қилаётганингиз  ростми?», - деб сўради. Неймар эса жаҳл билан уни сўкиб юборди, деб хабар беради AS.

Аввалроқ, Неймар «Барселона» раҳбариятига ҳар куни қўнғироқ қилиб, ўзини орқага қайтаришни илтимос қилаётгани ҳақида хабарлар тарқалган эди.

Эслатиб ўтамиз, Неймар камида 10 ҳафта давомида жароҳатини даволаши лозим.