«Барселона» ва «Реал» 4 кун ичида 2 марта тўқнаш келиши мумкин

Фото: Getty Images

Бугун Испания Кубогининг ярим финалига қуръа ташланади.

Ушбу босқичга «Барселона», «Реал», «Валенсия» ва «Бетис» клублари етиб келишган. Финал йўлидаги дастлабки баҳслар 6 февраль, жавоб учрашувлари 27 февраль кунлари бўлиб ўтади.

Агар қуръа «Барселона» ва «Реал» клубларини тўқнаш келтирса, у ҳолда мухлислар 4 кун ичида 2та, 1 ойда 3та «Эл-класико» гувоҳи бўлишлари мумкин. Принципиал рақиблар 2 март куни Ла Лиганинг 26-тури доирасида «Сантьяго Бернабеу»да учрашишади.

Қуръа Тошкент вақти билан соат 17:30да бошланади.

Тайёрлаган: Комрон Чегабоев

#Реал Мадрид #Барселона