Англия чемпионатининг 25-туридаги марказий учрашув Манчестер шаҳридаги «Этиҳад стэдиум»да бўлиб ўтди. АПЛнинг амалдаги чемпиони бўлмиш «Сити» «кучли олтилик» вакили «Арсенал»ни қабул қилди ва 3:1 ҳисобида ғалаба қозонди.
Ўйиннинг 1-дақиқасидаёқ мезбонлар ҳужумчиси Серхио Агуэро ҳисобни очди. Бўлим ўрталарида лондонликлар сардори Лоран Косельни ҳисобни тенглаштирди, аммо бўлим охирида Агуэро дублни расмийлаштириб, жамоасини танаффусга ғолиб сифатида олиб чиқди.
Иккинчи бўлимда Агуэро учинчи голни урди ва «шаҳарликлар» ғалабасини таъминлади.
Бу ғалабадан сўнг «Манчестер Сити» турнир жадвалида иккинчи ўринга қайтди ва пешқадам «Ливерпуль»га яқинлашиб олди. «Шаҳарликлар» ҳисобидаги очколар сони 59тага етган ва Хосеп Гвардиола шогирдлари энди ҳали захирада бир ўйини бор «Ливерпуль»ни икки очколик фарқ билан таъқиб қилмоқда. Мерсисайдликлар 25-тур ўйинини 4 февраль куни «Вест Ҳэм Юнайтед»га қарши ўтказади. «Арсенал» 47 очко билан олтинчи ўринда қолди.
Англия чемпионати
25-тур
Манчестер Сити – Арсенал 3:1
Голлар: 1:0 – 1 Агуэро, 1:1 – 11 Косьельни, 2:1 – 44 Агуэро, 3:1 – 61 Агуэро.
Манчестер Сити – Эдерсон, Уокер, Отаменди, Лапорт, Фернандиньо, Сильва, Гюндўған, Бернарду Силва, де Брюйне, Стерлинг, Агуэро (Габриэл Жезус, 81).
Арсенал – Лено, Косьельни, Монреаль, Колашинац (Денис Суарес, 66), Мустафи (Мавропанос, 79), Гендузи, Торрейра, Ивоби (Рэмзи, 66), Лихтштайнер, Обамеянг, Ляказетт.
Огоҳлантиришлар: Торрейра (40), Гундўған (65).
