Фото: AFP 2019 / Ahmed Ouoba
Буркина-Фасонинг Ятенга вилоятида теракт оқибатида 14 киши ҳалок бўлди. Бу ҳақда армия бош штаби хабар қилган.
“3 февралдан 4 февралга ўтар кечаси теракт оқибатида 14 фуқаро ҳалок бўлди”, деб айтилган хабарда.
Армиянинг таъкидлашича, у жавоб зарбаси бериб, учта департаментда 146 террорчини йўқ қилган. Мамлакатда хавфсизликни таъминлаш бўйича операция давом этмоқда.
Бош штаб бошлиғи армиянинг мамлакат, аҳоли ва унинг мулкини ҳимоя қилишга қатъиятига ишонишга чақирган.
