Фото: AFP
«Барселона» президенти Хосеп Мария Бертомеу ҳужумчи Неймарнинг қайтиши ҳақидаги миш-мишларни инкор қилди.
«Ҳеч қачон Неймар ёки унинг отаси билан гаплашмаганман. У менга «Барселона»га қайтмоқчи эканини айтмаган, қўнғироқ қилмаган.
Биз кейинги мавсумга тайёргарлик кўряпмиз, режамизда Неймар йўқ. У - «ПСЖ» футболчиси, менимча парижликлар бундай футболчидан воз кечмайди», - деб Бертомеу сўзларини келтирмоқда El Partidazo de COPE.
Неймар 2017 йилда «ПСЖ» клубига 222 миллион евро эвазига ўтган эди. Унинг трансфер қиймати ҳамон дунёда рекорд бўлиб турибди.
