Фото: Getty Images
«Барселона» клуби Испания Кубоги 1/2 финалидан ўрин олган «Реал»га қарши ўйин қайдномасини эълон қилди.
Рўйхатга «Валенсия»га қарши баҳсда жароҳат олган ва бу ўйинда майдонга тушиши сўроқ остида бўлган ҳужумчиси Лионель Месси ҳам киритилди.
Яримҳимоячиси Усмон Дембеле эса жароҳатидан тикланиб олмагани сабабли, қайдномага киритилмади.
«Барселона» қайдномаси қуйидагича: Марк-Андре тер Стеген, Нелсон Семеду, Жерар Пике, Иван Ракитич, Сержи Бускетс, Филиппе Коутиньо, Артур, Луис Суарес, Лионель Месси, Малком, Клеман Лангле, Жорди Альба, Серджи Роберто, Карлес Аленья, Артуро Видаль, Томас Вермален, Игнасио Пенья, Жейсон Мурильо, Кевин-Принс Боатенг.
«Барселона» - «Реал» ўйини 6 февралдан 7 февралга ўтар кечаси, соат 1:00да бошланади.
