Уч йил олдин автомашина салонидан пул ўғирлаган шахс аниқланиб, қўлга олинди - ИИВ

2016 йил 17 апрель куни номаълум шахс Фарғона вилоятининг Марғилон шаҳри Мисгарлик кўчасида, эшиклари очиқ ҳолда қаровсиз қолдирилган, хусусий тадбиркор Қ.С.га тегишли «Нексия» русумли автомашинаси юкхонасидан 15 300.000 сўм пулини ўғирлаб кетган.

Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабарига кўра, ҳолат юзасидан жиноят иши қўзғатилган. 

Кўрилган чоралар натижасида ушбу жиноятни Қўштепа туманида яшовчи Ш.М. содир этганлиги аниқланиб, ушланди. Тергов ҳаракатлари давом этмоқда.