Бенатиа нега Қатарга кетганини айтди: «Фарзандларимнинг Ислом муҳитида улғайишини истадим»

Қатарнинг «Ад-Духайил» клуби ҳимоячиси Маҳдий Бенатиа ўз танлови сабабини тушунтирди.

Футболчи январда «Ювентус»ни тарк этиб, Қатар чемпионатига кўчиб ўтган эди.

«Менда «Манчестер Юнайтед»дан таклиф бор эди. Аммо уни оилам сабабли қабул қилмадим. Буни тушунишингизни истайман. Фарзандларимнинг Ислом муҳитида улғайишини хоҳладим», – деди Бенатиа.

Бенатиа 2016 йилдан бери «Ювентус» шарафини ҳимоя қилиб келаётганди. Шу пайтгача футболчи 59та ўйинда майдонга тушиб, 5та гол урди. Марокаш терма жамоасида эса 55та ўйинда 2та гол урди.