Трамп сенат қўмитаси унинг Россия билан алоқаларини тасдиқловчи далил топа олмаганини маълум қилди

АҚШ президенти Дональд Трамп сенатнинг разведка бўйича қўмитаси раҳбари Ричард Бёррга таяниб қўмита унинг Россия билан алоқаларини тасдиқловчи ҳеч қандай далил топа олмаганини маълум қилди.

"Сенатор Ричард Бёрр, разведка бўйича қўмита раҳбари ҳозиргина икки йиллик суриштирув, икки юздан ортиқ интервью ва минглаб ҳужжатлардан сўнг Трамп ва Россия ўртасида ҳеч қандай махфий келишув йўқлигини аниқлаганини хабар қилди. Кимдир бундан ҳайрон қолдими?" – деб ёзди Трамп Twitter саҳифасида.

Аввалроқ АҚШ сенатининг разведка бўйича қўмитаси Россиянинг 2016 йилдаги АҚШ президенти сайловига "аралашуви" тўғрисида янги ҳисоботни чоп этганди.  

Россия бу айбловни бир неча бор рад этган.